Меню сайта

Категории каталога

Молитвы [8]
Обращения епископа Диомида. [1]
Документы, статьи, указы епископа Диомида.

Форма входа

Поиск

Друзья сайта

Статистика


Онлайн всего: 1
Гостей: 1
Пользователей: 0

Каталог статей

Главная » Статьи » Молитвы

Последование покаянного молебна о попрании власти, Богом установленной.

Последование
покаянного молебна
о попрании власти, Богом установленной.
(Читается в дни попрания власти Богом установленной: 2 марта, 17 июля)

Св: Благословен Бог…
Чтец: Аминь, Царю Небесный, Трисвятое по Отче наш.
Господи помилуй – 12 раз, С. и Н. Приидите поклонимся – 3 р.
Пс – 142, С. и Н. Аллилуиа – 3 р.
Св: Великая ектения:
- Миром Господу помолимся и т. д. до
- О плавающих, путешествующих…
- О еже не в гневе прещения своего погубити нас грех ради народа русского дерзновенно посягнувшего на попрание власти Тобою установленныя и беззаконий наших, но милости и щедроты Своя от века сущыя помянути, и помиловати нас, Господу помолимся.
Лик: Господи, помилуй.
- О еже благосердия ради милости своея грех народа русскаго многие годы власть Тобою установленную попирающего и в неведении в выборах властей участвовавшего, не помянути, но милостивно разум ему даровати, Господу помолимся.
Лик: Господи, помилуй.
- О еже посетити нас посещением Святаго своего Духа: и исцелити недуг народа русского, пораженного самоволием, поверившего в ложь демократии, посягнувшего на свержение законной власти Помазанника Твоего, Господу помолимся.
Лик: Господи, помилуй.
- О еже не по грехом нашим воздати нам, ни по беззакониям нашим наказати нас, но по велицей милости Своей, и по многим щедротам Своим явити на нас скорое свое человеколюбие, и благость, и привести народ наш русский на покаяние, Господу помолимся.
Лик: Господи, помилуй.
- О еже милостивно услышати глас молитвы нашея, и избавити нас от глада, губительства, труса, потопа, огня, меча, града, власти иноплеменников, междоусобныя брани, и всякия смертоносныя язвы, Господу помолимся.
- Заступи, спаси, помилуй и сохрани нас:
Лик: Господи, помилуй.
- Пресвятую, Пречистую, Преблагословенную:
Лик: Тебе Господи.
Св: Яко Бог милости и щедрот и человеколибия еси, …

Лик: Аминь.
Бог Господь, и явися нам: со стихи.
Тропарь, глас 6:
Помилуй нас Господи, помилуй нас: всякаго бо ответа недоумеюще, сию Ти молитву яко Владыце грешнии приносим: помилуй нас.
Слава:
Господи помилуй нас,на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.
И ныне:
Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианского.

Псалмы со сладкопением, глас 6,
Тропарь глас тойже:
Благоутробне, долготерпеливе и всещедрый Господи, низпосли милость Твою на люди Твоя.
Пс – 6: Господи, да не яростию Твоею обличиши мене,…
Слава:
Яко щедрый Господи, умилосердися на люди Твоя и яко долготерпелив презри прегрешения наша, и помилуй ны.
И ныне:
Пресвятая Владычице, Всепетая, Благословенная, яко Благолюбивая, заступи, и помилуй ны.

Ектинья: Паки и паки.
Св: Яко Твоя держава….
Лик: Аминь.
Тропарь:
Милостиве, помилуй, помилуй, помилуй нас, Господи.
Пс – 101: Г-ди, услыши молитву мою, и вопль мой к Тебе да приидет. ….

Слава:
Яко щедрый Г-ди, умилосердися на люди Твоя, и яко долготерпелив, презри прегрешения наша, и помилуй ны.
И ныне Богородичен:
Пресвятая Владычице, Всепетая, Благословенная, яко Благолюбивая, заступи, и помилуй ны.

Ектинья: Паки и паки.
Св: Яко Благ и Человеколюбец….
Лик: Аминь.
Тропарь, глас 6:
Яко щедрый Г-ди, умилосердися на люди Твоя, и яко долготерпелив презри прегрешения наша, и помилуй ны.

Пс –129: Из глубины воззвах к Тебе, Господи:…
Слава:
Яко щедрый Господи, умилосердися на люди Твоя, и яко долготерпелив презри прегрешения наша, и помилуй ны.
И ныне:
Пресвятая Владычице, Всепетая, Благословенная яко Благолюбивая, помози предстательством Твоим, и помилуй ны.

Пс – 50.

Канон покаянный ко Господу нашему Иисусу Христу. Глас 6.

Песнь 1.
Iрмосъ: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.
Припевъ: Помилуй мя Боже, помилуй мя.
Избавителю мой Иисусе, якоже очистил еси от многих прегрешений блудницу, иногда покаявшуюся сокрушенне, молюся Ти, и мене очисти от бесчисленных зол моих, яко милостив.
Плавая в суетнем помышлении жития, Иисусе в лютей сей пучине, во истопления впадох многая, от нихже избавих, спаси мя.
Слава: Разреши мя Слове, от соуз безчисленных моих зол, да свободне шествую в покаянии праведныя стези Твоя, в божественное наставляющыя покоище вечных радостей.
И ныне: Покаяния ми Дево, покажи пути, и на отводящыя мя от греха возврати стези: да Тя пою Многопетую Божию Родительницу.

Песнь 3.

Iрмосъ: Утверди Господи, на камени заповедей твоих, подвигшееся сердце мое, яко един свят еси и Господь.
Многомилостивным Твоим оком призри на мя, егда хощу пред Тобою предстати и судитися, едине Благопременителю Господи.
Воздыхающа мя приими, якоже мытаря, из глубины душевныя, и покаяние ми даруй, Спасе, греха всякаго мя избавляющее.
Слава: Скверны злобныя омыв моего сердца, и явитися ми непорочну пред Тобою в день страшный сподоби, Христе мой, яко Преблагий.
И ныне: Низпадшим исправление Богородице, падшего мя воздвигни из рова зол моих: и утверди Владычице, на камени заповедей Божиих.
Катавасия: Избави от бед рабы Твоя Милостиве, яко мы усердно к тебе прибегаем, к Милостивому Избавителю, всех Владыце Господу Иисусу.

Диакон: Помилуй нас, Боже, по велицей милости Твоей, молимся Ти, услыши и помилуй.
Лик: Господи, помилуй, трижды.
Еще молимся о Благочестивейшем, Самодержавнейшем, Великом Государе ИМПЕРАТОРЕ всея России: о державе, победе, пребывании, мире, здравии, спасении Его, и Господу Богу нашему наипаче поспешити и пособити Ему во всех, и покорити под нозе Его всякаго врага и супостата.
Лик: Господи, помилуй, трижды.
Еще молимся Высокопреосвященнейшем митрополите (или архиепископе, или епископе ) (имярек, егоже область) и всей во Христе братии нашей.
Лик: Господи, помилуй, трижды.
Еще молимся о самодержавной царской власти и о всем Христолюбивом воинстве, да тихое и безмолвное житие поживем во всяком благочестии и чистоте.
Лик: Господи, помилуй, трижды.
Еще молимся о блаженных и приснопамятных создателех Святаго храма сего, и о всех преждепочивших отцех и братиях, зде лежащих, и повсюду православных.
Лик: Господи, помилуй, трижды.
Еще молимся о плодоносящих и добродеющих во святем и всечестнем храме сем, труждающихся, поющих, и предстоящих людях, ожидающих от Тебе великия и богатыя милости.
Лик: Господи, помилуй, трижды.
Св: Яко милостив…

Песнь 4.
Iрмосъ: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой, и убояхся: слава силе Твоей, Господи.
Токи слез даждь ми, иссушающыя страстей моих источники, и греха всякаго тимения омывающыя Щедре, Многомилостиве, и угашающыя огня гиенскаго вечнующий пламень неугасимый.
Непрестанно чешу струпы души моея сластолюбием, и пребываю неисцелен, в чувство сам приити не хотя, кто буду; и что сотворю; Христе щедрый, исцелив спаси мя.
Слава: Прельсти мя вкушением греховным враг льстец, и от Тебе Блаже, далече удали, и зубом своим снедь содела мя: едине спасе, потщися изяти мя.
И ныне: Всепетая Владычице, велегласно воспевающего Ти исполни всякия радости мою мысль, подающи ми плачь утешный, и покаяния сладость и разум спасения.

Песнь 5.
Iрмосъ: От нощи утренююща, Человеколюбче, просвети, молюся и настави и мене на повеления Твоя, и научи мя, Спасе, творити волю Твою.
Се иже талант Твой сокрывый Христе, ленивый раб Твой: и упразднивыйся лукавыми страстей деяний, предстою Тебе кающися: темже не посли мене во огнь.
Твой сын быв благодатию, благоутробне Христе, поработихся врагу, и от Тебе удалихся жив блудно: темже обратив мя спаси.
Слава: Иже блудницу очистивый, и прокаженныя Твоим повелением, Содетелю всяческих, сквернаго греха смиренную душу мою очисти, и одеждами блистающими красну соделай, Владыко, молюся.
И ныне: Врата непроходимая, отверзи ми врата, молюся, покаяния истиннаго: и покажи ми стезю покаяния Чистая, всех Наставнице.

Песнь 6.
Iрмосъ: Возопих всем сердцем моим к щедрому Богу, и услыша мя от ада преисподняго, и возведе от тли живот мой.
Не покажи мене бесом обрадование в день страшный, Христе Иисусе, да не услышу тогда гласа отсылающего во огнь геенский.
Погрузи мя во глубене прегрешений, иже праведных враг: но к щедрот Твоих притекаю пучине, Иисусе, к пристанищу жизни ныне направи мя.
Слава: Яко мытарь воздыхаю, якоже блудница слезю, яко Петр вопию, многими погружаемь прегрешении Христе: помощи ми руку даждь, и спаси мя.
И ныне: Святая Богородице, яже Святое Слово рождшая плотию, Единаго освящающего всех святых освяти мой ум в лукавых делех присно пребывающий.
Катавасия: Избави от бед:
Ектинья: Паки и паки.
Св: Яко Твоя держава….
Лик: Аминь.
Прокимен, глас 8: Господи, да не яростию Твоею обличиши мене/, ниже гневом Твоим накажеши мене. Стих: Не отврати лица Твоего от отрока Твоего.
Св: Премудрость.
Чтец: Ко Евреям послания Святаго апостола Павла чтение. (зачало 331 от полу)
Св: Евангегие от Луки, зачало 79.
Лик: Слава Тебе Господи, слава Тебе.
Песнь 7.
Iрмосъ: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам: но не предаждь нас до конца, отцев Боже.
Взираю на милость Твою безмерную, безмерно согрешивый, вем Твое милосердие, вем долготерпение и незлобие: покаяния ми даруй плоды щедрый Христе, и спаси мя.
Уврачуй, Щедре, сердца моего неисцельные страсти, даруй отпущение долгов моих, тяжкое бремя облегчи: да во умилении Тя славлю присно отцев Бога.
Слава: В беззакониях зачат и родихся окаянный, и согреших паче всех человек: но обращения ми подаждь время исправляющее мя.
И ныне: Емуже предстоят с трепетом небеснии чини, Того родила еси Чистая, примирившагося человеком за благость: Егоже прилежно моли ущедрити рабы Твоя.
Песнь 8.
Iрмосъ: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.
Взираю на великое богатство щедрот Твоих Христе, и якоже Давид, согреших паче онаго, зову со онем: Едине Милостиве, помилуй мя вскоре.
Конец благ быти ми молюся, положити же предел лукавым деянием: егда же конец не усердствую, ожесточенное имея мое сердце: сам обрати мя, Божий Слове.
Слава: Руце всякими осквернила еси злодеяньми душе моя: и како тех воздеваеши на высоту беседующи Богу; нозе блазненне сотворила еси, на дела ходящи студная: како не обращаешися ходити покаянием в пути спасительныя;
И ныне: Волнуема мя бурею греховною, вопию Ти Владычица Чистая, Твоим ходатайством направи мя ко спасительному покаянию и ко всеутишному пристанищу, яко да увижу свет спасения, омрачаемый присно леностью.
Песнь 9.
Iрмосъ: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
Иисусе Человеколюбче, Едине немощь нашу ведый, в сию бо облеклся еси милосердия ради, хотя сию подкрепити: темже утверди нас на пути спасения, и скверны лукавыя, и гноения зол моих очисти, и спаси мя.
Яко блудница, слезы вместо дел приношу Ти Человеколюбче: яко мытарь, стеня покаянием взываю Ти: якоже хананея, со смирением вопию: и якоже Петр покаявшийся, прощения умоляю.
Слава: Да и аз спасаемь благодарственно Тебе Христе величаю, призри на мя, многи раны от душевредного врага на плещу приемшаго, и исцели яко в разбойники впадшаго, вино на них и елей возливая Твоего, Спасе, благоутробия.
И ныне: Просветительными молениями всенепорочная, к рожденному от Тебе Сыну Божию, верою поющыя Тя просвети: и тьмы нас кромешния, и вечныя муки изми, Твоим предстательством.
Лик: Достойно есть. Трисвятое. Отче наш.
Тропарь Богородице:
Заступнице усердная, Мати Господа Вышняго, за всех молиши Сына Твоего Христа Бога нашего, и всем твориши спастися, в державный Твой покров прибегающым: всех нас заступи, о Госпоже Царице и Владычице! Иже в напастех и в скорбех, и в болезнех обремененных грехи многими, предстоящих и молящихся Тебе умиленною душею, и сокрушенным сердцем, пред пречистым Твоим образом со слезами, и непостыдну надежду имущих на Тя, избавления всех зол, всем полезная даруй, и вся спаси Богородице Дево: Ты бо еси божественный покров рабом Твоим.

Диакон: Помилуй нас, Боже, по велицей милости Твоей, молимся Ти, услыши и помилуй.
Лик: Господи, помилуй, трижды.
Достойная казнем сотворихом, и праведный суд Твой постиже нас, Господи: но пощади, пощади люди согрешшия, и отврати гнев Твой праведно на ны движимый, в покаянии к Тебе припадаем, и смиренно молим Тя, услыши и помилуй.
Лик: Господи, помилуй, трижды.
Еще молимся, Тебе, Богу нашему, о прощении греха народа русскаго, дерзновенно возставшего на попрание власти, Тобою установленныя, разруши совет нечестивых, сынов погибельных, соблазняющих нас народовластием, и приими наше покаяние, и помилуй ны.
Лик: Господи, помилуй, трижды.
Призри, Человеколюбче, Господи, на вся люди Твоя, отцы и братию нашу, о возстановлении Царства Самодержавного подвизающихся, да укрепи их силою Духа Твоего Святаго во брани до конца устояти и вся претерпети, сердцем сокрушенным молим Ти ся , услыши и помилуй.
Лик: Господи, помилуй, трижды.
Еще молимся, о еже возродитися Царству Всероссийскому, и восстановитися престолу Царей Православных, да поставлен будет Удерживающий всякое зло и неправду, Господи услыши и помилуй.
Лик: Господи, помилуй, трижды.
Еще молимся об объединении и примирении рассеянных по миру рабов Твоих, Господи, о разрушении ереси экуменизма, сатанинской глоболизации, электронного порабощения душ человеческих, Господи услыши и помилуй.
Лик: Господи, помилуй, трижды.
Во веки пребываяй, Милосердне Господи, запрети языком в достояние Твое приходящим и оскверняющим Церковь Святую Твою: пожени их бурею Твоею, и гневом Твоим смути их, исполни лица их безчестия, да постыдятся и смятутся в век века, да посрамятся и силою судеб Твоих гордость их да сокрушится, имя же Твое Святое да прославится в нас, прилежно молим Ти ся, услыши и помилуй.
Лик: Господи, помилуй, трижды.
Св: Услыши ны Боже, Спасителю наш:

Св: Преклоньше колена душ и телес наших, Господу помолимся.
Лик: Господи помилуй.

Господи Боже наш, Великий и Многомилостивый! Во умиленiи сердец наших, от грозного посещения гнева Твоего, прибегаем к Твоему неизреченному благоутробию: призри на моление нас, недостойных раб Твоих, пред Тобою согрешающих и к Тебе прибегающих и на Тя уповающих, и не сотвори с нами по грехом нашим. Разруши совет нечестивых, сынов погибельных, дерзновенно возстающих на попрание власти, Тобою установленныя: вразуми заблудшыя в ложь народовластия поверившия, вложи в сердца их страх Твой божественный и направи я на путь истины и покаяния: утверди мир и тишину в земли нашей под покровом Самодержавных Государей Православных, да тихое и безмолвное житие поживем во всяком благочестии и чистоте. Господи Вседержителю, смиренно молимся Тебе: сохрани под кровом Твоея благости от всякаго злаго обстояния Благочестивейшаго, Самодержавнейшаго Государя Императора нашего, разруши вся яже на него козни вражия: огради его на всех путех его святыми Своими ангелы, да ничтоже успеет враг на него, и сын беззакония не приложит озлобити его, исполни его долготою днiй и крепостiю сил, да совершит вся во славу Твою и во благо народа своего. Мы же всеблагому промышлению о нем, радующеся, на всяк день и час благословим и прославим всесвятое имя Твое Отца, и Сына, и Святаго Духа. Аминь.

Св: Премудрость.
Отпуст.

Многолетие:
Благочестивейшему Самодержавнейшему Великому Государю Императору нашему.












Категория: Молитвы | Добавил: администратор (14.03.2010)
Просмотров: 1381 | Рейтинг: 0.0/0 |
Всего комментариев: 0
Имя *:
Email *:
Код *: